"Səbail" üçün 20-ci qələbə
“Səbail” Azərbaycan çempionatlarında 20-ci ev qələbəsini qazanıb.
MediaSport.az xəbər verir ki, yubiley Premyer Liqanın IX turuna təsadüf edib.
“Sumqayıt”ı 1:0 hesabı ilə məğlub edən bakılılar 72-ci görüşdə “20”yə çatıb. Mahmud Qurbanovun komandası ölkə çempionatları tarixinə öz meydanında ən azı 20 qələbə qazanan 31-ci komanda kimi düşüb. “Səbail” ev oyununda ilk üç xalı 2017-ci il avqustun 19-da “Neftçi” ilə matçda əldə edib – 1:0.
