"Neftçi" və "Qəbələ"nin sabiq üzvü yenidən Azərbaycanda - RƏSMİ
“Araz-Naxçıvan” klubu heyətini braziliyalı futbolçu ilə gücləndirib.
Mediasport.az xəbər verir ki, Ramon Maçado ilə 1 illik müqavilə imzalanıb.
Braziliyalı hücumçu bu gündən komandanın məşqlərinə qoşulub.
33 yaşlı futbolçu “Araz-Naxçıvan” klubuna Malayziya təmsilçisi “Sabah”dan gəlib.
Braziliyalı ölkəmizdə daha əvvəl “Neftçi” və “Qəbələ”nin heyətində yer alıb.
Ümumilikdə isə Maçado “Brazil de Pelotas”, “Santo Andre”, “Parana”, “İtuana”, “Vila Nova”, “Laxeadense”, “Santa Kruz”, “Esportivo”, “Boa Esporte” və “Ponte Preta” klublarında da çıxış edib.
Qeyd edək ki, “Araz-Naxçıvan” yay transfer dövründə Tərlan Əhmədli, Urfan Abbasov, Bəxtiyar Həsənalızadə, Ülvi İsgəndərli, Ömər Buludov, Benni, Felipe Santos, Turan Vəlizadə və Karlos Jatobanı heyətinə qatıb, Kristian Avram, Vadim Abdullayev, Nuno Rodriges, İqor Ribeyro, Vanderson Melo, Elçin Mustafayev, Vüsal Şabanov, Tuqay Əlizadə, Ramin Nəsirli və Miço Kuzmanoviçlə müqaviləni yeniləyib.
