Azərbaycan Premyer Liqasında birinci turun başlanma saatları açıqlandı
Futbol üzrə Azərbaycan Premyer Liqasında 2023/2024-cü illər mövsümünün I turunun oyun cədvəli müəyyənləşib.
MediaSport.az xəbər verir ki, Peşəkar Futbol Liqası (PFL) ilk tur matçlarının keçiriləcəyi günü və başlanma saatlarını açıqlayıb.
Mövsümə Tovuzda start veriləcək. Yerli komanda avqustun 4-də Premyer Liqaya çempion kimi qayıtmış “Araz-Naxçıvan”ı qəbul edəcək.
Qeyd edək ki, aparılan işlərin yekunları ilə tanış olmaq məqsədilə iyulun 31-də Tovuz və Gəncə şəhər stadionlarına yekun baxış keçiriləcək.
Azərbaycan Premyer Liqası. 1-ci tur
4 avqust (cümə)
17:00. “Turan Tovuz” – “Araz-Naxçıvan”
Tovuz şəhər stadionu
5 avqust (şənbə)
18:30. “Səbail” – “Sumqayıt”
“ASCO Arena”
21:00. “Qarabağ” – “Zirə”
“Azersun Arena”
6 avqust (bazar)
17:00. “Kəpəz” – “Neftçi”
Gəncə şəhər stadionu
20:00. “Sabah” – “Qəbələ”
“Bank Respublika Arena”
