"Qarabağ" Yunanıstan klublarından güclüdür" - MƏŞHUR RUSİYALI
Rusiyalı məşhur futbol agenti Dmitri Selyuk "Qarabağ" haqqında müsbət fikirlər səsləndirib.
Mediasport.az xəbər verir ki, funksioner "Metaratings" nəşrinə açıqlamasında Azərbaycan çempionunun Yunanıstan klublarından güclü olduğunu deyib.
"Aris" klubunda icarə əsasında çıxış edən ruisyalı Məhəmməd-Şəfi Süleymanovun "köhlən atlar"a mümkün keçidini müzakirə edən Selyuk bildirib ki, Yunanıstan çempionatı zəifdir və orada oynamaq daha asandır.
"Yunanıstan liqası zəifdir. Orada cəmi bir neçə komanda var. "Olimpiakos", PAOK və "Aris". Bu klublar da əksər hallarda avrokubokların qruplarına vəsiqə qazana bilmirlər. Azərbaycan təmsilçisi "Qarabağ" onlardan güclüdür. Yunan klubları hətta Kipr təmsilçilərindən də geri qalırlar".
