Dünyanın ən dəyərli futbolçularının yeni reytinq cədvəli açıqlandı
Dünyanın ən dəyərli futbolçularının yeni reytinq cədvəli açıqlanıb.
Mediasport.az xəbər verir ki, sıralamada 1-2-ci pillələri 200 milyon avroluq dəyərə sahib Erlinq Haland ("Mançester Siti", 24 yaş) və Vinisius Junior ("Real", 24 yaş) bölüşdürürlər.
3 və 4-cü sırada braziliyalının komanda yoldaşları - Çud Bellingem (180 milyon avro, 21 yaş), Kilian Mbappe (180 milyon avro, 25 yaş) yer alıblar. "Barselona"dan Lamin Yamal 5-ci olub (150 milyon avro, 17 yaş).
"Mançester Siti"dən Fil Foden (150 milyon avro, 24 yaş) 6-cı, "Arsenal"dan Bukayo Saka (140 milyon avro, 23 yaş) 7-ci, "Bayer"dən (Leverkuzen) Florian Virts (130 milyon avro, 21 yaş) 8-ci, "Bayern"dən Camal Musiala (130 milyon avro, 21 yaş) 9-cu, "Real"dan Federiko Valverde (130 milyon avro, 26 yaş) 10-cu pillədə qərarlaşıb.
"Qızıl top" mükafatının son qalibi Rodri Hernandes ilk "10-luq"dan kənarda qalıb ("Mançester Siti", 130 milyon avro, 28 yaş).
