Şahin Diniyev istefa verdi!
"Səbail" Azərbaycan Premyer Liqasının 12-ci turunda səfərdə "Kəpəz"ə 0:1 hesabı ilə uduzub.
Mediasport.az xəbər verir ki, Bayıl təmsilçisinin baş məşqçisi Şahin Diniyev matçdan sonra istefa verib.
O, qərarını mətbuat konfransında açıqlayıb:
"Oyun haqda danışmalı bir şey yoxdur. Rəhbərliklə görüşdüm. Öz xahişimlə istefa verdim. Nəyisə dəyişmək istədim. Amma bundan sonra dəyişiklik üçün özümdə güc görmürəm.
Futbolçulara təşəkkür edirəm. Bütün oyunlarda vuruşdular. Bu, futboldur, hər şey olur".
