Azərbaycan çempionatı: Fərdi yarışların mükafatçıları məlumdur
U-18 yeniyetmələr arasında cüdo üzrə Azərbaycan birinciliyinin fərdi yarışları keçirilib.
Mediasport.az xəbər verir ki, yarış Azərbaycan Cüdo Federasiyası və Azərbaycan Respublikası Gənclər və İdman Nazirliyinin birgə təşkilatçılığı ilə keçirilib.
Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində keçirilən birincilikdə qızlar və oğlanlar arasında 16 çəki dərəcəsində qaliblər müəyyənləşib.
96 klub, cəmiyyət və idman təşkilatından 662 cüdoçu medallar uğrunda mübarizə aparıb.
Fərdi yarışların sonuncu günündə oğlanlar arasında -50 kq., -73 kq. və +90 kq. çəki dərəcələrində, qızlar arasında isə -44 kq. və +70 kq. çəki dərəcələrində mükafatçılar məlum olub.
Fərdi yarışların son nəticəsinə əsasən, ümumi komanda hesabında medalların sayına görə 1-ci yeri Bakı şəhəri 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbi qazanıb.
Cüdo Klub 2012 2-ci, Respublika Kompleks İdman Məktəbi isə 3-cü olub.
Ümumilikdə 29 komanda müxtəlif əyarlı medal əldə edib.
Birinciliyin komanda yarışları bu gün baş tutacaq.
U-18 Azərbaycan birinciliyi
Oğlanlar
-50 kq.
1. İbrahim Talıbov (Bakı şəhəri 6 nömrəli İOEUGİM)
2. Anar Quliyev (Respublika Kompleks İdman Məktəbi)
3. Rza Xəlili (Respublika Olimpiya İdman Liseyi)
3. Ceyhun Hüseynli (Bakı şəhəri 10 nömrəli İOEUGİM)
-73 kq.
1. Məhəmməd Ağakişiyev (Cüdo Klub 2012)
2. Səid Şərifov (Cüdo Klub 2012)
3. Ayxan Həsənli (Cüdo Klub 2012)
3. Yusuf Nəzər (Bakı şəhəri 1 nömrəli İOEUGİM)
+90 kq.
1. Tunar Fərzəliyev (Cüdo Klub 2012)
2. Sübhan Axundov (Bakı şəhəri 10 nömrəli İOEUGİM)
3. Elşən Fərzəliyev (İmişli)
3. Cavidan Məsimov (Bakı şəhəri 13 nömrəli İOEUGİM)
Qızlar
-44 kq.
1. Nigar Məmişova (Neftçi İdman Klubu Sumqayıt)
2. Gülşən Hüseynova (Gəncə şəhəri 1 nömrəli UGİŞM)
3. Gülnara Qasımova (Şahin 313 İK)
3. Xədicə Abdullayeva (Çempion 74 İK)
+70 kq.
1. Zemfira Əliyeva (Bakı şəhəri 2 nömrəli İOEUGİM)
2. Nərgiz Vəlizadə (Cüdo Klub 2012)
3. Aysu Quliyeva (Cüdo Klub 2012)
3. Dəniz Həbibli (Gəncə şəhəri 1 nömrəli UGİŞM)
