Yığma komandalarımızın Türkiyədə təlim-məşq toplanışı başlanıb
Ağırlıqqaldırma üzrə kişilər və qadınlardan ibarət yığma komandalarımız Türkiyədə təlim-məşq toplanışına start veriblər.
Mediasport.az xəbər verir ki, məqsəd fevral ayının 12-20-də Bolqarıstanın paytaxtı Sofiyada keçiriləcək Avropa çempionatı, həmçinin digər beynəlxalq yarışlara daha yaxşı hazırlaşmaq, idmançıların hazırlıq səviyyəsini yüksəltməkdir.
Toplanış Türkiyənin müvafiq yığma komandaları ilə birlikdə təşkil olunur.
Kişilər yığmamız Maxtı Makkayevin rəhbərliyi altında Çorum şəhərində, qadınlar yığmamız isə Sərdar Həsənovun rəhbərliyi altında Ankara şəhərində hazırlaşırlar. Komandalarımız bütün lazımi şəraitlə təmin olunublar, məşq prosesi plana uyğun aparılır.
Toplanış yanvar ayının 25-nə qədər davam edəcək.
