Yüksək Liqalarda növbəti turların oyun proqramı açıqlanıb
Qadın və kişi voleybolçuların Yüksək Liqasında növbəti turun oyunlarının vaxtı açıqlanıb.
Mediasport.az xəbər verir ki, fevralın 20-də qadın voleybolçuların çempionatında 14-cü tura start veriləcək.
“Murov Az Terminal” bu mövsüm qələbə qazanmayan UNEC-lə qarşılaşacaq. UNEC-in idman zalında reallaşacaq görüş saat 18:00-da start götürəcək.
Eyni gündə və saatda “Abşeron” Gənclər və İdman Nazirliyinin (GİN) Voleybol Mərkəzində “Gəncə”ni qəbul edəcək.
Tura fevralın 21-də “Milli Aviasiya Akademiyası” - “Azərreyl” dueli ilə yekun vurulacaq. GİN-in Voleybol Mərkəzində təşkil olunacaq oyun saat 18:00-da başlanacaq.
Kişi voleybolçuların Yüksək Liqasında isə fevralın 21-də “Murov Az Terminal” Gənclər və İdman Nazirliyinin Voleybol Mərkəzində “Neftçi”ni qəbul edəcək. Qarşılaşmanın start fiti saat 15:00-da səsləndiriləcək.
Bir gün sonra eyni saatda “Azərreyl” MOİK-i “Murov Az Terminal”ın idman zalında sınağa çəkəcək.
