Zubir üçün xüsusi matç
Azərbaycan Kubokunun final oyunundakı həlledici qol Abdullah Zubir üçün əlamətdar olub.
Mediasport.az xəbər verir ki, fransalı futbolçu “Qarabağ”ın heyətində 60-cı dəfə fərqlənib.
O, “Zirə” ilə görüşdə komandasına 2:1 hesablı qələbə gətirən qolu vurub.
Zubir 60-cı qolunu 262-ci matçında rəsmiləşdirib. Vinger Premyer Liqada 42, avrokuboklarda 14, ölkə kubokunda 4 dəfə fərqlənib.
Qeyd edək ki, Zubir 2018-ci ilin yayından “Qarabağ”da forma geyinir.
