İspaniyadan maksimum nəticə, İtaliya dramatik oyunla 1/8 finalda
Almaniyada keçirilən futbol üzrə 17-ci Avropa çempionatı davam edir.
Mediasport.az xəbər verir ki, qrup mərhələsinin 3-cü turu çərçivəsində daha iki matç oynanılıb.
İspaniya maksimum nəticə ilə adını pley-offa yazdırıbsa, İtaliya buna dramatik duellə nail olub.
Mattia Zakkanyi son saniyələrdə fərqlənərək apenninliləri 1/8 finala daşıyıb.
Xatırladaq ki, Almaniya və İsveçrə dünən rəsmən pley-offa yüksəlib, Portuqaliya isə qrupda tutacağı yerdən asılı olmayaraq, minimum vəzifənin öhdəsindən gəlib.
Avropa çempionatı. Qrup mərhələsi. 3-cü tur
B qrupu
Albaniya - İspaniya 0:1
Qol: Ferran Torres, 13.
Baş hakim: Qlenn Nüberq (İsveç)
Düsseldorf. "Düsseldorf Arena"
Xorvatiya - İtaliya 1:1
Qollar: Luka Modriç, 55 - Mattia Zakkanyi, 90+8.
Baş hakim: Danni Makkelie (Niderland)
Leypsiq. "Leypsiq Arena"
Xal durumu: İspaniya - 9 xal, İtaliya - 4 xal, Xorvatiya - 2 xal, Albaniya - 1 xal.
