“Araz-Naxçıvan” "Sumqayıt"la qarşılaşmaya da itkilərlə çıxacaq
"Sumqayıt"la oyunun hazırlıqlarına başlayan “Araz-Naxçıvan”ın zədəli futbolçularının son vəziyyəti açıqlanıb.
Klubdan Mediasport.az saytına verilən məlumata görə, bu gün Bakı Olimpiya Stadionunda keçirilən məşqdə İsmail Azzaui, İqor Ribeyro və Orxan Əliyev iştirak etməyiblər.
“Qarabağ”la 19-cu tur matçında sarı vərəqə alaraq cəzalı duruma düşən Abdulla Rzayev də çalışmalara qatılmayıb.
Azzauinin Sumqayıt təmsilçisilə görüşü buraxacağı dəqiqdir, Əliyev və Ribeyro isə həkim nəzarəti altında müalicələrini davam etdirirlər.
Onların da növbəti qarşılaşmada iştirakları sual altındadır.
Qeyd edək ki, yanvarın 28-də “Dalğa Arena”da keçiriləcək “Araz-Naxçıvan” - “Sumqayıt” oyunu saat 15:00-da başlanacaq.
