AVRO-2025: Azərbaycan yığmasının rəqibləri müəyyənləşib
Qadın basketbolçular arasında 2025-ci il Avropa çempionatının seçmə mərhələsinin püşkü atılıb.
Mediasport.az xəbər verir ki, İsveçrənin Nyon şəhərində keçirilmiş mərasimdə Azərbaycan millisinin də rəqibləri müəyyənləşib.
Yığmamız Belçika, Litva və Polşa kollektivləri ilə birlikdə C qrupunda mübarizə aparacaq.
Avropa çempionatına Çexiya, Almaniya, Yunanıstan və İtaliya ev sahibliyi edəcək.
Seçmə mərhələnin oyunları noyabrda başlanacaq.
