Dünya Qadınlar Seriyasında milli və "Neftçi"nin rəqibləri müəyyənləşdi
3x3 basketbol üzrə Azərbaycan millisi və “Neftçi” klubunun Dünya Qadınlar Seriyasının Kosovanın paytaxtı Priştina mərhələsindəki rəqibləri müəyyənləşib.
MediaSport.az xəbər verir ki, yığmamız B qrupunda ABŞ və Macarıstanın "Qyor" komandası, Bakı təmsilçisi isə D qrupunda Niderland və Kosova seçmələri ilə mübarizə aparacaq.
Azərbaycan millisi ilk matçını ABŞ-a, "Neftçi" Niderland basketbolçularına qarşı keçirəcək. Qruplarda ilk iki yeri tutan komandalar 1/4 finala vəsiqə qazanacaqlar.
Mərhələnin görüşləri iyulun 14-15-də baş tutacaq.
