Avropa çempionatının bütün iştirakçı milliləri müəyyənləşib
Yayda Almaniyada təşkil olunacaq futbol üzrə Avropa çempionatının final mərhələsində iştirak edəcək bütün milli komandaların adlarına aydınlıq gətirilib.
Mediasport.az xəbər verir ki, son 3 vəsiqəni UEFA Millətlər Liqasından gələn yığmalar müəyyənləşdiriblər.
Final oyunlarında Gürcüstan yığması Yunanıstanı penaltilərlə məğlub edəərk tarixində ilk dəfə qitə birinciliyində iştirak hüquq qazanıb.
Polşa futbolçuları da AÇ-2024-ə "lotereya"larla yollanıblar. Robert Levandovskili kollektiv Uelsdən üstün olub.
Ukrayna - İslandiya komandalarının taleyini isə 90 dəqiqə həll edib. Ada təmsilçisinə 2:1 hesabı ilə qalib gələn Sergey Rebrovun komandası adını Avropa çempionatının final mərhələsinə yazdırıb.
Qeyd edək ki, AVRO-2024 iyunun 14-dən iyulun 14-dək keçiriləcək.
AVRO-2024. Final mərhələsi
A qrupu: Almaniya, Şotlandiya, Macarıstan, İsveçrə
B qrupu: İspaniya, Xorvatiya, İtaliya, Albaniya
C qrupu: Sloveniya, Danimarka, Serbiya, İngiltərə
D qrupu: Polşa, Niderland, Avstriya, Fransa
E qrupu: Belçika, Slovakiya, Rumıniya, Ukrayna
F qrupu: Türkiyə, Gürcüstan, Portuqaliya, Çexiya
