Ukrayna pley-offda, Gürcüstan yığması tarixi uğurun astanasında
Gürcüstan və Rumıniyanın birgə təşkilatçılığı ilə keçirilən futbol üzrə U-21 Avropa çempionatı davam edir.
MediaSport.az xəbər verir ki, final mərhələsində 2-ci turun görüşləri keçirilib.
Dünən 2 qrupda 4 matç oynanılıb. İlk turda Portuqaliya yığmasına 2:0 hesabı ilə qalib gələrək sensasiyaya imza atan Gürcüstan futbolçuları bu dəfə Belçika ilə matçda süpriz ediblər.
Vaxtilə Bakı "İnter"ində (indiki "Şamaxı") çalışmış Zaur Svanadzenin oğlu Ramazın baş məşqçisi olduğu kollektiv 0:2 hesabı ilə geri düşsələr də, dönüş edərək 1 xal qazana biliblər. Son turda Niderlandla görüşəcək Gürcüstan "narıncılar"dan 1 xal götürsə, tarixində ilk dəfə pley-offa çıxacaq.
Ukrayna isə 2 turdan maksimum xal toplayaraq adını pley-offa yazdırıb.
Bu gün daha 4 qarşılaşma keçiriləcək. AÇ-nin açılış oyunu çərçivəsində Belçika - Niderland (0:0) duelinin baş hakimi olmuş azərbaycanlı FİFA referisi Əliyar Çexiya - Almaniya görüşündə 4-cü hakim funksiyasını yerinə yetirəcək.
U-21 Avropa çempionatı. Final mərhələsi. Qrup oyunları. 2-ci tur
Gürcüstan - Belçika 2:2
Qollar: Georgi Tsitaşvili, 51, Giorgi Quliaşvili, 87 - Maksim De Küyper, 15, Larci Ramazani, 38.
Portuqaliya - Niderland 1:1
Qollar: Andre Almeyda, 20 - Brian Brobbey, 78.
Rumıniya - Ukrayna 0:1
Qol: Viktor Dikan, 89-avtoqol.
İspaniya - Xorvatiya 1:0
Qol: Abel Ruiz, 1.
U-21 Avropa çempionatı. Final mərhələsi. Qrup oyunları. 2-ci tur
20:00 Çexiya - Almaniya
20:00 İngiltərə - İsrail
20:00 İsveçrə - İtaliya
22:45 Norveç - Fransa
