Avropa çempionatının pley-offunda millimizin rəqibi Portuqaliya oldu
Tarixində ilk dəfə Avropa çempionatının pley-off mərhələsində iştirak edəcək qadın futbolçulardan ibarət Azərbaycan millisinin rəqibi müəyyənləşib.
Mediasport.az xəbər verir ki, İsveçrənin Nyon şəhərində təşkil olunan püşkatma mərasimində yığmamız B Liqasının qrup mərhələsinin ən yüksək reytinqli komandalarından Portuqaliyaya rəqib olub.
Millimiz ilk oyununu oktyabrın 23-də evdə, cavab görüşünü oktyabrın 29-da səfərdə keçirəcək.
Azərbaycan - Portuqaliya cütünün qalibi ikinci pley-off mərhələsində Belarus - Çexiya cütünün qalibi ilə üz-üzə gələcək.
Bu raundun oyunları noyabrın 27-də və dekabrın 3-də olacaq. Azərbaycan - Portuqaliya cütünün qalibi ilk görüşünü evdə keçirəcək
