Azərbaycan millisi Avropa çempionatında ilk oyununa çıxır
18 yaşadək qız basketbolçulardan ibarət Azərbaycan milli komandası Kosovonun paytaxtı Priştinada təşkil olunan Avropa çempionatının C divizionunda ilk oyununu keçirəcək.
Mediasport.az xəbər verir ki, Evren Alkayanın rəhbərlik etdiyi komanda yer aldığı B qrupunda Albaniya ilə qarşılaşacaq.
Görüş Bakı vaxtı ilə saat 19:00-da başlanacaq.
Yığmamız qrupda Albaniya ilə yanaşı, Gürcüstan və Ermənistan seçmələri ilə də mübarizə aparacaq.
Komandamızın növbəti oyunları iyulun 24-də Gürcüstan, 25-də isə Ermənistana qarşı olacaq.
