Azərbaycan milli komandası tarixi nəticəni bu gün rəsmiləşdirəcək
Qadın futbolçulardan ibarət Azərbaycan millisi UEFA Millətlər Liqasında əldə etdiyi tarixi nəticəni bu gün rəsmiləşdirəcək.
Mediasport.az xəbər verir ki, Siyasət Əsgərovun baş məşqçisi olduğu komanda C Liqasının qrup mərhələsinin son turu çərçivəsində Farer adaları yığmasını qəbul edəcək.
Seçməmiz bugünkü qarşılaşmanın nəticəsindən asılı olmayaraq, qrup birinciliyini və B Liqasına vəsiqəni vaxtından əvvəl təmin edib.
Komandamız 13 xalla vahid liderdir, ən yaxın izləyicimiz Monteneqronun aktivində 9 xal var.
UEFA Millətlər Liqası. C Liqası. Qrup mərhələsi. 6-cı tur
19:00 Azərbaycan – Farer adaları
Baş hakim: Loviza Yohansson
Baş hakimin köməkçiləri: Kamilla Stendal, Cilan Taher
Dördüncü hakim: Maral Mirzai Beni
Bakı, “Dalğa Arena”.
