Azərbaycanı Avropa Kubokunda 147 cüdoçu təmsil edəcək
Göygöldə yeniyetmələr arasında keçiriləcək Avropa Kubokunda iştirak edəcək idmançıların sayı müəyyənləşib.
Mediasport.az xəbər verir ki, Azərbaycanın ikinci dəfə ev sahibliyi edəcəyi turnirə Fransa, Xorvatiya, Serbiya, Gürcüstan, Sloveniya, Yunanıstan, İtaliya, Özbəkistan, Qırğızıstan, Türkiyə, Ukrayna, Qazaxıstan və Lüksemburqdan ümumilikdə 400-ə yaxın cüdoçu qatılacaq. Buraya fərdi neytral idmançılar daxildir.
Azərbaycan yarışda qızlar və oğlanlar arasında 16 çəki dərəcəsində 147 cüdoçu (102 oğlan və 45 qız) ilə təmsil olunacaq.
Qeyd edək ki, Göygöl Olimpiya İdman Kompleksində təşkil olunacaq Avropa Kuboku mayın 4-5-də baş tutacaq.
