Boksçumuz Avropa çempionatında ardıcıl ikinci qələbəsini qazandı
Azərbaycan boksçusu Elbrus Kərimli Rumıniyanın Ploeşti şəhərində keçirilən Avropa çempionatında növbəti qələbəsini qazanıb.
MediaSport.az xəbər verir ki, 54 kq çəkidə mübarizə aparan idmançı 1/8 finalda şotlandiyalı Yakub Naismiti məğlub edib.
Yığma üzvü 3:0 (28:28, 30:26, 30:26, 28:28, 30:26) hesabı ilə qalib gəlib. O, 1/4 finalda Mirboran Yıldırımla (Türkiyə) qüvvəsini sınayacaq. Görüş iyulun 27-də olacaq.
Qeyd edək ki, 32 ölkədən 378 (260 oğlan, 118 qız) boksçunun qatıldığı Avropa birinciliyinin beşinci günündə Azərbaycan millisinin 3 üzvü rinqə çıxacaq.
