Cəlal Hüseynov 90 dəqiqə oynayıb, komandası evdə qalib gəlib
Azərbaycan milli komandasının müdafiəçisi Cəlal Hüseynovun heyətində çıxış etdiyi "Arda" Bolqarıstan çempionatında növbəti matçını keçirib.
Mediasport.az xəbər verir ki, Krjaali təmsilçisi 17-cu tur çərçivəsində evdə "Beroe"ni qəbul edib.
Cəlalın 90 dəqiqə meydanda olduğu qarşılaşma komandasının minimal hesablı qələbəsilə yekunlaşıb - 1:0.
"Arda" xal ehtiyatını 28-ə çatdırmaqla turnir cədvəlində 5-ci pilləyə yüksəlib. Lider "Çerno More"dən 8 xal geri qalırlar.
