Cüdoçumuz Hidayət Heydərov dünya çempionatında finala çıxıb
Birləşmiş Ərəb Əmirliklərinin paytaxtı Əbu-Dabidə cüdo üzrə dünya çempionatı davam edir.
Mediasport.az xəbər verir ki, çempionatın ikinci günündə Azərbaycanın dörd idmançısı tatami üzərinə çıxıb.
Hidayət Heydərov (73 kq) Akila Qyakova (Kosovo), daha sonra isə Salvador Roçaya (İspaniya) qalib gəlib.
O, 1/4 finalda Daniel Karqnini (Braziliya) üstələyərək yarımfinala yüksəlib və burada İqor Vantkeyə (Almaniya) qalib gəlib.
Heydərov finalda Tatsuki İşihara (Yaponiya) ilə qarşılaşacaq.
Açeliya Toprak (57) startda Bakit Kussakbayevaya (Qazaxıstan), ardınca Thelma Monteyroya (Portuqaliya) qalib gəlsə də, 1/8 finalda Mimi Huha (Koreya) məğlub olub.
Yaşar Nəcəfov (66) startda Baul Anuya (Koreya), Kamran Süleymanov (66) isə Mohamed Abdelmavquda (Misir) məğlub olub.
Qeyd edək ki, mundialın ilk günündə 3 idmançımız yarışıb və medal qazana bilməyib.
