Mərakeş İspaniyaya, İsveçrə Portuqaliyaya qarşı - 1/8 finalın sonu
"Dünya Kuboku-2022"də bu gün sonuncu 1/4 finalçılar müəyyənləşəcək.
mediasport.az xəbər verir ki, 1/8 finalın son iki görüşündə meydan Mərakeş, İspaniya, Portuqaliya və İsveçrə millilərinin ixtiyarına veriləcək.
Qrup oyunlarında nümayiş etdirdikləri futbola əsasən demək olar ki, dörd yığmanın hər biri 1/4 finala layiq komandadır. Afişa əsas götürüldükdə, bəziləri Mərakeş millisini zəif hesab edə bilər. Lakin Valid Reqraginin baş məşqçisi olduğu Afrika təmsilçisinin vitse-Dünya çempionu Xorvatiya və son mundialın bürünc medalçısı Belçikanın yer aldığı qrupudan lider çıxmasına nəzər salmaq kifayətdir ki, bu komandanın potensiallı olduğu aydın anlaşılsın.
Bu iki oyundan sonra DÇ-də 2 günlük fasilə yaranacaq. Dekabrın 9-dan isə pley-off matçları başlanacaq.
Dünya Kuboku-2022. 1/8 final
19:00 Mərakeş - İspaniya
Baş hakim: Fernando Rapallini (Argentina)
"Edukeyşn Siti" stadionu.
23:00 Portuqaliya - İsveçrə
Baş hakim: Sezar Ramos (Meksika)
"Lusail" stadionu.
