DÇ-2023: Güləş yığmamız komanda hesabında 5-ci yeri tutub
Serbiyanın paytaxtı Belqradda keçirilən dünya çempionatında sərbəst güləş üzrə yarışa yekun vurulub.
Mediasport.az xəbər verir ki, iki gümüş medal qazanan yığmamız 66 xalla komanda hesabında 5-ci yeri tutub.
Komandamız ötən il 2 bürünc medalla 42 xal toplamış və 8-ci yeri tutmuşdu.
Budəfəki mundialda güləşçilərimiz 6 olimpiya çəkisindən cəmi birində (97 kq) vəsiqəni təmin ediblər. DÇ-də ilk "3-lük"də müvafiq olaraq ABŞ (148), İran (110) və Gürcüstan (80) seçmərələri yer alıblar.
Gələn il olimpiadaya 2 lisenziya turniri keçiriləcək.
4-7 apreldə Bakıda təşkil ediləcək Avropa Olimpiya Təsnifat turnirində hər çəkidə ilk 2 yerin sahibi, 9-12 mayda İstanbulda baş tutacaq Dünya Olimpiya Təsnifat turnirində isə ilk 3 yerin sahibi Paris Olimpiadasına vəsiqə qazanacaq.
