Olimpiya Təsnifat Turniri: Stadnik də lisenziya qazana bilmədi
Qadın güləşi üzrə Azərbaycan millisi Avropa Olimpiya Təsnifat Turnirini lisenziyasız başa vurub.
Mediasport.az xəbər verir ki, yarımfinala yüksələn yeganə təmsilçimiz Mariya Stadnik Paris-2024 Yay Olimpiya Oyunlarının bir addımlığında büdrəyib.
50 kq çəkidə çıxış edən 1/4 finalda Qabija Dilyute (Litva) üzərində 10:0 hesablı qələbə qazanan Mariya Paris-2024-ə vəsiqə verən yarımfinalda Oksana Livaça (Ukrayna) məğlub olub – 2:4.
Günün əvvəlində Elnurə Məmmədova (53 kq), Birgül Soltanova (62 kq) və Elis Manolova (68 kq) təsnifat mərhələsində, Jalə Əliyeva (57 kq) isə 1/4 finalda mübarizəni dayandırıb.
