Dünyanın ən bahalı futbol klublarının siyahısı açıqlandı
Nüfuzlu “Transfermarkt” portalı dünyanın ən dəyərli heyətə malik futbol klublarının siyahısını açıqlayıb.
Mediasport.az xəbər verir ki, sıralamaya İspaniya nəhəngi "Real" başçılıq edir.
Heyətinin dəyəri 1,36 milyard avro olan Madrid klubu İngiltərənin “Mançester Siti” komandasını (1,26 milyard avro) qabaqlayır.
3-cü pillədə 1,16 milyard avro dəyərlə İngiltərənin digər təmsilçisi - “Arsenal” qərarlaşıb.
Portalın tərtib etdiyi siyahıda Türkiyənin 4 klubu yer alıb.
“Qalatasaray” 262 milyon avro dəyərlə 47-ci, “Fənərbağça” 54-cü (226 milyon avro), “Beşiktaş” 81-ci (140 milyon avro), “Trabzonspor” isə 99-cudur (105 milyon avro).
