EEVZA: Milli komandamızın Litvaya səfər təqvimi müəyyənləşib
Şərqi Avropa Voleybol Zonal Assosiasiyası (EEVZA) çempionatında iştirak edəcək 20 yaşadək voleybolçu qızlardan ibarət millimiz hazırlıqları davam etdirir.
Mediasport.az xəbər verir ki, Azərbaycan Voleybol Federasiyasının İdman zalında keçirilən təlim-məşq prosesinə 14 voleybolçu cəlb edilib.
Yanvarın 2-də Litvaya yola düşəcək milli komandamız ilk oyununu yanvarın 3-də Estoniyaya qarşı keçirəcək.
Xatırladaq ki, EEVZA 2024-cü ilin 3-7 yanvar tarixlərində Şaulyay şəhərində baş tutacaq.
