Futbol klublarının transferlərə xərclədiyi pullar rekord həddə çatıb
Bu il dünyada futbol klublarının transferlərə xərclədiyi pullar rekord həddə çatıb.
Mediasport.az xəbər verir ki, bu barədə FİFA-nın Transfer Uyğunlaşdırma Sisteminin (TMS) hesabatında qeyd olunub.
Araşdırmaya əsasən, bu yay klublar futbolçuların alınması və icarəyə götürülməsi üçün ümumilikdə 7,36 milyard ABŞ dolları vəsait xərcləyiblər.
Ümumi transfer xərclərinin 6,01 milyard dolları Avropa klublarının payına düşür. İkinci yeri Asiya klubları (1,03 milyard ABŞ dolları) tutur.
Maraq üçün qeyd edək ki, belə xərclər 2017-ci ilin yayında 5 milyard, 2018-ci ildə 5,26 milyard, 2019-cu ildə isə 5,8 milyard dollar olub. Koronavirus pandemiyasından sonra 3,85 milyarda qədər azalan rəqəm 2022-ci ildən sonra fantastik sürət alıb.
