Gürcüstanı məğlub edən millimiz yarımfinala vəsiqəni rəsmiləşdirdi
16 yaşadək qız basketbolçulardan ibarət milli komandamız Avropa çempionatında Gürcüstanla qarşılaşıb və yarımfinala yüksəlib.
Mediasport.az xəbər verir ki, yığmamız C divizionun A qrupu çərçivəsində keçirilən oyunda yığmamız qələbə qazanıb (97:40).
Matçın ən məhsuldar basketbolçusu Angelina İsmayılova (24 xal, 5 ribaund) olub.
Azərbaycan buna qədər qrupun ilk matçında Ermənistanı məğlub etmişdi (86:59).
Xatırladaq ki, milli komandamız qrupda sonuncu oyununu 11 iyul, saat 12:30-da Kiprə qarşı keçirəcək.
