Milli Mətbuat Günüdür
![Milli Mətbuat Günüdür](https://mediasport.az/uploads/images/202407/image_750x_669df9cf2c556.jpg)
Bu gün Azərbaycanda Milli Mətbuat Günü qeyd olunur.
Azərbaycan milli mətbuatının yaranmasından 149 il ötür.
Əsası 1875-ci ildə qoyulmuş tarix "Əkinçi” qəzeti ilə yol alıb.
Qəzetin naşiri, redaktoru, korrektoru Azərbaycan milli maarifçilik hərəkatının banilərindən, təbiətşünas-alim Həsən bəy Zərdabi olub.
"Əkinçi" qəzetinin ərsəyə gəlməsində Mirzə Fətəli Axundzadə, Seyid Əzim Şirvani, Nəcəf bəy Vəzirov, Əsgər ağa Gorani və digər görkəmli ziyalılar əvəzsiz xidmət göstəriblər.
1877-ci ilin sentyabrınadək çap edilmiş “Əkinçi” qəzeti 56 sayda işıq üzü görsə də, Azərbaycanda milli mətbuatın təməli olub.
Həmkarlarımızı peşə bayramı münasibətilə təbrik edir, çətin, şərəfli yolda yeni-yeni yaradıcılıq uğurları arzulayırıq.
Mediasport.az