Millidən "quru" qələbə
Qadın voleybolçulardan ibarət millimiz Avropa çempionatına hazırlığın ikinci mərhələsini Bakıda davam etdirir.
MediaSport.az xəbər verir ki, komandamız təlim-məşq toplanışı çərçivəsində paytaxtda Belarus yığması ilə ilk yoxlama oyununa çıxıb.
Görüş millimizin 3:0 hesablı qələbəsilə yekunlaşıb. Voleybolçularımız qarşıdakı günlərdə belaruslularla daha 2 dəfə qarşılaşacaqlar.
Qeyd edək ki, Avropa çempionatına avqustun 15-dən sentyabrın 3-dək Belçika, İtaliya, Almaniya və Estoniya ev sahibliyi edəcək. Azərbaycan millisi Çexiya, Almaniya, Yunanıstan, İsveç və Türkiyə ilə birlikdə C qrupunda mübarizə aparacaq.
