Əfsanəvi Ronaldinyo yenidən Azərbaycana gəlir - FOTO
Dünyanın ən məşhur futbolçularından Ronaldinyo De Assis Moreyra Qauşu növbəti dəfə Azərbaycana səfər edəcək.
Mediasport.az xəbər verir ki, dünya çempionunun ölkəmizə budəfəki gəlişi Bakıda keçirilən BMT-nin İqlim Dəyişikliyi üzrə Çərçivə Konvensiyasının 29-cu Sessiyası (COP29) ilə əlaqədardır.
FİFA prezidenti Canni İnfantinonun ardınca Azərbaycana Braziliya futbolunun əfsanəsi gələcək.
O, paytaxtda təşkil olunacaq tədbirlərə qatılacaq. Ronaldinyonun “Qarabağ”ın təşəbbüsü ilə baş tutacaq futbol klublarının iqlim dəyişikliyi ilə mübarizədə birgə alyans yaratması ilə bağlı mərasimə qatılması gözlənilir.
Qeyd edək ki, Ronaldinyo bir neçə il əvvəl “Qəbələ” klubu ilə əməkdaşlıq çərçivəsində adını daşımalı olan, amma layihəsi reallaşmayan akademiyanın təqdimatı zamanı Bakıya səfər etmişdi.
