Naxçıvanda "Muxtariyyət Kuboku" uğrunda birincilik keçiriləcək
Naxçıvanda yeniyetmə qızlar arasında voleybol üzrə "Muxtariyyət Kuboku" uğrunda birincilik keçiriləcək.
Mediasport.az xəbər verir ki, Azərbaycan Voleybol Federasiyasının dəstəyi ilə baş tutacaq yarışda U-16 Azərbaycan millisi, Gəncə, Sumqayıt, Tovuz, Şərqi Zəngəzur Regional voleybol klublarının, Türkiyənin Əskişəhər və İğdır şəhərlərinin komandaları və Naxçıvan yığması iştirak edəcək.
Naxçıvan Muxtar Respublikasının 100 illik yubileyinə həsr olunan yarış 4-7 sentyabrda baş tutacaq və birinciliyə Naxçıvandakı İlham Əliyev adına Olimpiya İdman Kompleksi ev sahibliyi edəcək.
