"Neftçi"nin məğlub etməyin MÜKAFATI: Hərəyə 1000 dollar!
Futbol üzrə Azərbaycan Premyer Liqasında qələbəsizlik seriyasına 22-ci turda son qoyan "Araz-Naxçıvan"da üzlər gülür.
Mediasport.az saytına verilən məlumata görə, "Dalğa Arena"da "Neftçi"yə qalib gələn komanda rəhbərlik tərəfindən mükafatlandırılıb.
1:0 hesablı çətin qələbədə meydana start heyətində çıxan futbolçuların hər birinə 1000 dollar ənam verilib.
Matça sonradan qoşulanlar mükafatın yarısını alıblar.
Azər Bağırovun komandası növbəti turda "Səbail" səfərindən 1 xalla qayıdıb (2:2).
Premyer Liqanın debütantı 23 turdan sonra 31 xalla 6-cı pillədə qərarlaşıb.
