"Neftçi"də baş məşqçi ayrılığı
"Neftçi" Basketbol Klubu baş məşqçisi Anar Sarıyevlə yollarını ayırıb.
Mediasport.az xəbər verir ki, Sarıyev 18 yaşadək oğlanlardan ibarət Azərbaycan millisinin baş məşqçisi, kişilərdən ibarət yığmanın köməkçi məşqçisi kimi işlərinin çoxluğunu əsas gətirib və öz qərarı ilə postunu tərk edib.
Onun müqaviləsinə qarşılıqlı razılaşma əsasında xitam verilib.
"Ağ-qaralar" 2023/2024 mövsümündə Anar Sarıyevin rəhbərliyi altında Azərbaycan kubokunu qazanıb.
Komanda hazırda Basketbol Liqasının A qrupunda 3 turdan sonra 3 xalla sonuncudur.
