“Neftçi”nin təmsilçiləri ilin ilk üç ayı ərzində 256 medal qazanıblar
“Neftçi” İdman Klubunun təmsilçiləri ilin ilk üç ayı ərzində 256 medal qazanıblar.
Mediasport.az xəbər verir ki, klubun təmsilçiləri müxtəlif yarışlarda uğurlu çıxış ediblər.
Atletlər ilin birinci rübündə əldə etdikləri medalların sayına görə ölkədə fəaliyyət göstərən idman qurumları arasında liderliklərini qoruyublar. İK ilin ilk üç ayı ərzində ölkədaxili və beynəlxalq səviyyəli yarışlarda 82-si qızıl, 71-i gümüş və 103-ü bürünc olmaqla, ümumilikdə 256 medal əldə ediblər.
Dünya yarışlarında 1 qızıl medal, Avropa yarışlarında 23 (10 qızıl, 6 gümüş, 7 bürünc), beynəlxalq turnirlərdə isə 59 medal (18 qızıl, 17 gümüş, 24 bürünc) qazanılıb.
Respublika səviyyəli yarışlarda 93 medal (24 qızıl, 27 gümüş, 42 bürünc) qazanan "Neftçi"nin yetirmələri paytaxt yarışlarında 42 (13 qızıl, 15 gümüş, 14 bürünc), digər yarışlarda isə 38 dəfə (16 qızıl, 6 gümüş, 16 bürünc) fəxri kürsüdə yer alıblar.
