Nicat Abasov nüfuzlu İddiaçılar Turnirində mübarizəyə başlayır
Bu gün Kanadanın Toronto şəhərində şahmat üzrə nüfuzlu İddiaçılar Turniri start götürəcək.
Mediasport.az xəbər verir ki, Azərbaycan təmsilçisi Nicat Abasov ilk turda rusiyalı Yan Nepomnyaşi ilə qarşılaşacaq.
28 yaşlı qrossmeyster ağ fiqurlarla mübarizə aparacaq. Görüş Bakı vaxtı ilə 22:30-da başlanacaq.
Turun digər duellərində Fabiano Karuana - Hikaru Nakamura (hər ikisi ABŞ), Əlireza Firuzca (Fransa) - Rameşbabu Praqnanandha (Hindistan) və Dommaracu Qukeş - Santoş Vidit (hər ikisi Hindistan) üz-üzə gələcək.
Yarış aprelin 22-dək davam edəcək.
