"Sabah" liderliyə yüksəldi, pley-offa vəsiqə qazananlar rəsmiləşdi
Azərbaycan Basketbol Liqasında 26-cı tura bu gün yekun vurulacaq.
mediasport.az xəbər verir ki, dünən keçirilmiş görüşlərdə əvvəlcə çempionatın liderləri – “Sabah” və NTD komandaları qarşılaşıblar.
Kifayə qədər gərgin və maraqlı keçən matçda qələbəni "Sabah" qazanıb. 75:70 hesablı qalibiyyət komandanı birinci pilləyə yüksəldib. Eyni xala malik NTD 2-ci yerə düşüb.
Oyunda ən məhsuldar basketbolçular “Sabah”dan Entoni Patti (17 xal, 12 ribaund), NTD-dən isə Londel Kinq (23 xal, 10 ribaund) olublar.
"AAAF Xırdalan" və "Sərhədçi" basketbolçularının duelini birincilər qələbə ilə başa vurublar - 96:89. Beləliklə, "AAAF Xırdalan" pley-off mərhələsinə vəsiqəni təmin edib. Qarşılaşmada ən məhsuldar basketbolçular "AAAF Xırdalan"da Devin Pullum (27 xal, 3 ribaund), "Sərhədçi"də isə Trevor Blekmon (27 xal, 9 ribaund) seçiliblər.
Turun "Neftçi" İK - "Gəncə" komandalarını qarşıdurmasında isə 1 xallıq fərqlə sevinən tərəf bölgə təmsilçisi olub. Turun son görüşü bu gün Astara təmsilçisi "Zirvə" ilə "Olimpik (Şəki) arasında olacaq.
Qeydə alınan nəticələrdən sonra "Sabah", NTD, "Gəncə" və "AAAF Xırdalan" pley-off mərhələsinə vəsiqə qazanıblar.
 Sabah BK |
26 | 19 | 7 | 2116:1968 (+145) | 45 |
 NTD BK |
26 | 19 | 7 | 2326:2105 (+221) | 45 |
 Gəncə BK |
26 | 18 | 8 | 2238:2119 (+119) | 44 |
 AAAF Xırdalan BK |
26 | 17 | 9 | 2262:2171 (+91) | 43 |
 Sərhədçi PİK |
26 | 14 | 12 | 2231:2152 (+79) | 40 |
 Neftçi İK |
26 | 9 | 17 | 2098:2149 (-51) | 35 |
 Zirve Astara BK |
25 | 5 | 20 | 2082:2261 (-179) | 30 |
 Olimpik Şəki BK |
25 | 2 | 23 | 1923:2351 (-428) | 27 |
