Beynəlxalq turnirdə qrup birincisi olan "Qarabağ" 1/4 finala yüksəlib
“Qarabağ”ın 15 yaşadək futbolçulardan ibarət komandası Belarusun paytaxtı Minskdə təşkil olunan “Bizim gələcəyimiz” turnirində növbəti oyununu keçirib.
Mediasport.az xəbər verir ki, Vüqar Əsgərlinin baş məşqçisi olduğu U-15 beynəlxalq turnirin qrup mərhələsinin son matçında Belarusun BATE klubu ilə görüşüb.
Oyun 1:1 hesabı ilə başa çatıb. “Qarabağ”ın qoluna 25-ci dəqiqədə Murad İbrahimli imza atıb.
İlk iki turda Rusiya təmsilçiləri “Zvezda” və “Olimpik”i eyni – 2:0 hesabları ilə məğlub edən komandamız qrup mərhələsini 7 xalla lider başa vurub və 1/4 finala yüksəlib.
Bu raundun görüşləri sabah oynanılacaq.
