"Qarabağ"ın futbolçuları AÇ-2024-ün final mərhələsinə çıxa bilərlər
Futbol üzrə AVRO-2024-ün seçmə qrup mərhələsində bu gün son tura start veriləcək.
Mediasport.az xəbər verir ki, A, F, G və J qruplarında ümumilikdə 9 matç baş tutacaq.
Bu axşam digər qruplarda vəsiqələrin sahibləri əvvəlki turlarda müəyyənləşdiyindən, yalnız G qrupunda bir komanda qitə birinciliyininin final mərhələsinə çıxa bilər.
Serbiya və ya "Qarabağ"lı futbolçular - Marko Veşoviçlə Marko Yankoviçin heyətində çıxış etdiyi Monteneqro millisi AÇ-2024-ə vəsiqəni təmin edəcək.
Monteneqronun Almaniya biletini sifariş etməsi üçün yığma Macarıstana qalib gəlməli və Serbiyanın məğlub olmasına ümid etməlidir.
Qeyd edək ki, daha əvvəl Niderland, Rumıniya, İsveçrə, Almaniya, Portuqaliya, Fransa, İngiltərə, İspaniya, Belçika, Danimarka, Macarıstan, Türkiyə, Albaniya, Avstriya, Şotlandiya və Slovakiya milli komandaları AÇ-yə vəsiqə əldə ediblər.
AVRO-2024. Seçmə qrup mərhələsi. 10-cu tur
A qrupu
23:45. Şotlandiya – Norveç
23:45. İspaniya – Gürcüstan
Xal durumu: İspaniya – 18, Şotlandiya – 16, Norveç – 10, Gürcüstan – 8, Kipr – 0.
F qrupu
21:00. Belçika – Azərbaycan
21:00. İsveç – Estoniya
Xal durumu: Avstriya – 19, Belçika – 17, İsveç – 7, Azərbaycan – 7, Estoniya - 1.
G qrupu
18:00. Macarıstan – Monteneqro
18:00. Serbiya – Bolqarıstan
Xal durumu: Macarıstan – 15, Serbiya – 13, Monteneqro – 11, Litva – 6, Bolqarıstan - 3.
J qrupu
23:45. Bosniya və Herseqovina – Slovakiya
23:45. Lixtenşteyn – Lüksemburq
23:45. Portuqaliya – İslandiya
Xal durumu: Portuqaliya – 27, Slovakiya – 19, Lüksemburq – 14, İslandiya – 10, Bosniya və Herseqovina – 9, Lixtenşteyn – 0.
