"Qəbələ" baş məşqçi Kaxaber Çxadadze ilə bağlı qərar verdi
“Qəbələ” baş məşqçisi Kaxaber Çxadadze ilə yeni müqavilə imzalayıb.
Mediasport.az xəbər verir ki, 55 yaşlı gürcüstanlı mütəxəssislə yeni şərtlərlə bağlanan anlaşma 3 il müddətinə nəzərdə tutulub.
Çxadadze və onun köməkçisi George Çixradze 2027-ci ilin yayına qədər “Qəbələ”də çalışacaqlar.
Çxadadze 2024-cü ilin fevralın 25-də “qırmızı-qaralar”ın baş məşqçisi təyin olunub.
O, buna qədər Azərbaycanda “Standard” (2008) və “İnter”in (2009-14), vətənində “Lokomotiv” (Tbilisi, 2001-02), “Dinamo” (Tbilisi, 2005-06, 2021-22), “Sioni” (2006-07), Qazaxıstanda “Kayrat” (2016-17), “Ordabası” (2018-20), “Kaspi” (2022-23) klublarında, Gürcüstanın gənclər (2009) və əsas (2015-16) millisində baş məşqçi olub.
Xatırladaq ki, 1-ci Liqaya düşən bölgə təmsilçisi bu gün 6 legioner futbolçusu ilə müqaviləni yeniləməyib.
