Rahil oynadı, komandası 195 gündən sonra qalib gəldi - VİDEO
Azərbaycan milli komandasının futbolçusu Rahil Məmmədov Polşa çempionatında növbəti oyununu keçirib.
Mediasport.az xəbər verir ki, müdafiəçinin formasını geyindiyi LKS 23-cü tur çərçivəsində "Puşça"nı qəbul edib.
Rahilin 90 dəqiqə meydanda olduğu görüş Lodz təmsilçisinin qələbəsilə yekunlaşıb - 3:2.
Yığmamızın üzvünün transferindən sonra ilk qələbəsini qazanan LKS sonuncu dəfə 2023-cü il avqustun 20-də 5-ci tur çərçivəsində "Poqon"u məğlub etmişdi.
Komanda hazırda 13 xalla sonuncu - 18-ci pillədə qərarlaşıb.
