"Sabah"ın kapitanı Camalov milli komandanın heyətindən çıxarıldı
Azərbaycan milli komandasının heyətində dəyişiklik baş verib.
Mediasport.az xəbər verir ki, millimizin futbolçusu Elvin Camalov "Sabah"ın heyətində zədələndiyi üçün heyətdən çıxarılıb.
Onun əvəzinə "Araz-Naxçıvan"ın yarımmüdafiəçisi Vadim Abdullayev milliyə dəvət alıb.
Komandamız UEFA Millətlər Liqasının qrup mərhələsi çərçivəsində 11 oktyabrda Tallində Estoniya yığması, 14 oktyabrda Bakıda Slovakiya seçməsi ilə qarşılaşacaq.
