Fransa səfiri Emin Mahmudovla Mbappenin qollarını müqayisə edib
Fransanın Azərbaycandakı səfiri Anna Buayon futbol üzrə Azərbaycan milli komandasının üzvü Emin Mahmudovla Fransa yığmasının futbolçusu Kilian Mbappenin AVRO-2024-ün seçmə mərhələsinin 9-cu turunda vurduğu gözəl qolları müqayisə edib.
Mediasport.az xəbər verir ki, diplomat AVRO-2024-ün sosial şəbəkə səhifəsində “Ən yaxşı qol” səsverməsinə münasibət bildirərkən yazıb.
“Seçmək çətindir! Mahmudovun qolu Mbappenin qoluna çox bənzəyir!” – səfir vurğulayıb.
Qeyd edək ki, “Neftçi”nin yarımmüdafiəçisi Emin Mahmudov FİFA reytinqində 23-cü pillədəki İsveçə, PSJ-nin hücumçusu Kilian Mbappe 198-ci yerdə qərarlaşan Cəbəllütariqə qol vurub. Hər iki oyunçu mərkəzdən dəqiq zərbə ilə fərqlənib.
