Dünya çempionatı: Sərbəst güləşçilərimiz mübarizəyə başlayır
Albaniyanın paytaxtı Tiranada güləş üzrə 23 yaşadək idmançıların dünya çempionatı davam edir.
Mediasport.az xəbər verir ki, yarışın 5-ci günündə sərbəst güləşçilər mübarizəyə start verəcəklər.
Ruslan Abdullayev (61 kq) ilk mərhələdə Endrio Avdili (Albaniya) ilə güləşəcək.
Cəbrayıl Qacıyev (74 kq) təsnifat mərhələsində David Volfla (Almaniya) üz-üzə gələcək.
Arseni Coyevin (86 kq) ilk rəqibi David Morodion (Almaniya) olacaq.
Abdulcəlil Şabanov (92 kq) 1/8 finalda Qkivi Bliatze (Yunanıstan) - Aleksanders Pirozniks (Latviya) cütünün qalibi ilə qarşılaşacaq.
Aydın Əhmədov (125 kq) Jinhai Vanqı (Çin) üstələməyə çalışacaq.
Xatırladaq ki, buna qədər yunan-Roma güləşçilərimizdən Rəşad Məmmədov (55 kq) gümüş, Nihat Quluzadə (60 kq) ilə Xasay Həsənli (77 kq) bürünc medal qazanıb.
