"Sumqayıt"da yeni müqavilə - RƏSMİ
2023/2024-cü illər mövsümü üçün transfer çalışmalarını davam etdirən “Sumqayıt” bu yay ilk əcnəbi futbolçu keçidini rəsmilləşdirib.
MediaSport.az xəbər verir ki, komanda son mövsüm Bolqarıstanın “Lokomotiv" (Plovdiv) klubunda çıxış etmiş estoniyalı hücumçu Erik Sorqa ilə 1+1 illik müqavilə imzalayıb.
Qeyd edək ki, Erik Sorqa karyerası ərzində Estoniyanın “Legion”, “Flora”, ABŞ-nin “Ludoun Yunayted”, “Di-Si Yunayted”, Niderlandın “Venlo”, İsveçin “Höteborq” klublarının da şərəfini qoruyub.
24 yaşlı hücumçu Estoniyanın U-16, U-17, U-19, U-21 və əsas yığma komandalarına da cəlb olunub.
