Komandalarımızın II Universiada üçün heyəti açıqlanıb - SİYAHI
Qazaxıstanın Türkistan vilayətində keçiriləcək Türkdilli xalqların II Universiadasında Azərbaycan güləşçiləri də iştirak edəcəklər.
Mediasport.az xəbər verir ki, oyunların proqramında sərbəst və yunan-Roma güləşi yer alıb.
Noyabrın 7-də Azərbaycanın U-20 millisi böyük məşqçisi Arif Abdullayev və məşqçi Əşrəf Əliyevin rəhbərliyi altında Vasif Bağırov (57 kq), Camal Abbasov (61 kq), Abdulrəhman İbrahimov (65 kq), Sabir Cəfərov (70 kq), Cavidan Əhmədov (74 kq), Sahib Dadaşov (79 kq), Fərid Cabbarov (86 kq), Rəvan Musayev (97 kq) və Aydın Əhmədov (125 kq) sərbəst güləş üzrə yarışda iştirak edəcək.
Növbəti gün isə yunan-Roma güləşi üzrə mübarizə baş tutacaq. Məşqçilər Emin Əhmədovla Zöhrab Abbasovun rəhbərliyi altında Hüseyn Savadov (55 kq), Pərviz Dadaşov (60 kq), Fərid Baxışlı (63 kq), Fərid Xəlilov (67 kq), Fizuli Abbasov (72 kq), Davud Məmmədov (77 kq), Səid Axundzadə (82 kq), Cocu Səmədov (87 kq), Murad Əhmədiyev (97 kq) və Sərxan Məmmədov (130 kq) uğur qazanmağa çalışacaq.
Universiadada I-S kateqoriyalı hakim Sədi Quliyev ədaləti qoruyacaq. Hakimlər Kollegiyasının sədri Qərib Əliyev isə münsiflər heyətində yer alacaq.
