"Zirə" və "Sabah"ın cütlərinin qaliblərinin mümkün pley-off rəqibləri müəyyənləşir - PÜŞK
Bu gün UEFA Avropa Konfrans Liqasında da pley-off mərhələsinin püşkü atılacaq.
Mediasport.az xəbər verir ki, yarışın 3-cü təsnifat mərhələsində mübarizəni davam etdirən "Zirə" və "Sabah"ın cütlərinin qaliblərinin mümkün pley-off rəqibləri müəyyənləşəcək.
Bakı vaxtı ilə saat 16:00-da başlanacaq tədbirdə Azərbaycan təmsilçilərinin cütləri səpələnməmişlər səbətində yer alacaq.
Xatırladaq ki, "Zirə" pley-offa yüksəlmək üçün Xorvatiyanın "Osiyek" klubunu, "Sabah" isə İrlandiyanın “Sent Patriks” kollektivini keçməlidir.
Pley-off mərhələsinin ilk oyunları avqustun 8-də, cavab qarşılaşmaları 15-də keçiriləcək.
