"Zirə" və "Sabah"ın Konfrans Liqası matçlarının saatları müəyyənləşdi
UEFA Avropa Konfrans Liqasının 3-cü təsnifat mərhələsində yarışacaq "Zirə" və "Sabah" komandalarının oyunlarının başlanma saatları açıqlanıb.
Mediasport.az xəbər verir ki, Xorvatiyanın "Osiyek" klubu ilə üz-üzə gələcək "Zirə"nin ilk görüşü səfərdə olacaq və Bakı vaxtilə saat 22:00-da start götürəcək.
Avqustun 15-i "Dalğa Arena"da keçiriləcək cavab matçı 20:30-da başlanacaq.
"Sabah" da İrlandiyanın "Sent Patrik" kollektivi ilə ilk olaraq səfərdə görüşəcək. İlk duelin start fiti Bakı vaxtilə saat 22:45-də veriləcək.
1 həftə sonra "Bank Respublika Arena"da rellaşacaq cavab qarşılaşmasının startı 20:00-da olacaq.
Xatırladaq ki, hər iki təmsilçimizin oyunları avqustun 8-də və 15-i baş tutacaq.
